بداية مشروع انتاج ملفات
VST, VSTi, VST3, AAX
الكلام ده معناه ايه
لكل الناس اللى عندها احتراف في عمل المهرجانات أو الموسيقى بكل أشكالها من الكلاسيكية الى الى الشعبي قررنا نعمل لهم خدمات لملفات مهمة سواء ألات أو مؤثرات لبرامج توزيع الموسيقى
في البداية الملفات دي مجانية ولكن هيتم تطويرها وهتبقى مدفوعة
وده مش قرار جمع فلوس من الناس ولكن لان في مبرمجين بيشتغلوا معايا وبيتعبوا ودي مهنتهم ولازم ياخدوا مقابل تعبهم وتعليمهم ودراستهم
طبعا كل من يعمل على برامج الموسيقى عارف المؤثرات والالات وبيستخدمها في شغله ، في بعضها احترافي وبعضها متواضع المستوى ، وفي منها مسروق ومهكر ومليان فيروسات
الاخطر من الفيروسات ان الهكر الأجانب بيحطوا ملفات تعدين داخل المؤثر المتهكر وانت بتسطب بينزل ملف التعدين ويستخبي وبيكون محمي ويفضل يعدن ويجمع فلوس للهاكر طول مانت على النت
خطورة ملفات التعدين انه بتهلك كارت الشاشة والبروسيور
بتقل الجهاز
وبتستهلك باقة النت
كل ده وانت مش عارف وبعد شهر أو شهرين تلاقي الجهاز محتاج فرمته ويضيع شغلك وتعبك
أو على الأقل هترجع تبني سيستم الشغل من جديد بعد الفرمته
عشان كده قررنا يكون عندنا ملفاتنا للعالم العربي مش مهكرة ومن انتاجنا ومضمونة انها بدون فيروسات ولا برامج تجسس أو اعلانات
وبأسعار في متناول الجميع
وأول هدية هي مؤثر فلانجر على الويف والميدي
T-Flanger:
Fl Studio
Cubase
Reaper
Pro Tools